"Hanggang ngayong araw na lang tayo dito." Ngumiti ako pagkaharap niya sa akin. Tinanggal ko agad ang suot kong tabing para ipakita ang two piece kong suot. Kulay red ito na may design na ruffle sa itaas.
Tingnan natin kung hindi pa ulit kita mapalambot, Mr. Domingo. Ayaw mo kong pansinin. Well, let's see.
Pakikay akong lumakad palabas ng gate sa likuran. Nahuli ko sa pagsulyap ang pagkunot ng kanyang nuo.
"Ano sa tingin mo 'yang ginagawa mo?" Nagulat ako sa pagyakap niya sa akin mula sa likuran. Nilagyan niya ko ng tuwalya kaya napaharap ako.
"Masu-swimming."
"Hindi mo ba nakikitang maraming tao ngayon?" Tinaasan niya ko ng kilay.
"Ano naman?"
"Lalabas kang ganyan ang suot mo?"
"Ano naman?" ulit ko.
"My God, Loribelle. Ang daming lalaki ngayon dito sa beach."
"Edi mas maganda."
