Magkatabi sina Mia at Holland sa kama kahit maraming bakanteng kuwarto sa mansyon ngunit dala ng malakas na pagkulog ay takot na takot ang dalaga kaya kusa siyang pumasok sa kuwarto ni Holland. Nagulat naman ang binata pero kalaunan ay naging pabor naman ito sa kaniya dahil gusto niyang maging magaan ang loob ng dalaga at hindi na mailang pa.
“Tulog ka na?” sambit ni Mia at nang hindi sumagot si Holland ay agad humarap siya sa binata at agad niyang nakagat ang ibabang labi nang mulat ang mga mata nito.
“Hindi ka ba makatulog? Natatakot ka pa ba? gusto mong yakapin kita?” sunod-sunod na tanong rin ni Holland sa kaniya kaya tumango-tango siya.
“Sa tuwing nakakarinig ako ng mga kulog ay hindi ako mapalagay, dala-dala ko pa rin ang mga bagay na may kaugnayan sa kakambal ko hanggang ngayo
