NAGTATAKA man ay sinunod na lamang ni Mauve ang sinabi ng asawa. Nanatili siya sa loob ng kanilang silid dahil wala naman siyang ibang pupuntahan. Gustuhin man niyang mamasyal sa labas ay hindi niya magawa dahil mas gugustuhin niyang kasama ito. Hindi niya alam kung bakit ganoon. Hindi ba at magtutungo sana siya sa Palawan nang mag-isa? Ngunit ngayon ay hindi niya magawang mamasyal nang siya lamang dahil mas gusto nang mayroong kasama. Hindi naman siya ganoon dati. Mas gusto niyang mamasyal noon nang mag-isa, upang mabigyan ng mas mahabang oras ang sarili.
ㅤ ㅤㅤ ㅤ ㅤㅤ ㅤ ㅤㅤ ㅤ
Naupo siya sa sala at inabala ang sarili sa panonood ng ilang palabas. Hindi niya namalayan ang oras na lumipas. Halos nakailang palabas na siyang napanood ngunit hindi pa rin bumabalik si Eros. Tumingin siya sa ora
