ITINAGO ni Mauve ang rose globe nang hindi alam ni Eros. Inilagay niya ito sa kaniyang bagahe at hinintay ang asawa na matapos sa paliligo. Nais niya sanang komprontahin ito, ngunit nang makita ang seryosong mukha nito ay mas minabuti niyang hindi na lamang ituloy. Malalim ang kaniyang naging buntong hininga nang lagpasan lamang siya ni Eros mula sa kaniyang kinatatayuan. “Anong gagawin ko?” Ramdam niya sa sariling mayroong nagawang kasalanan, lalo na at bigla na lamang nagbago ang awra ng lalaki. Kanina ay napakaaliwalas ng mukha nito, ngayon ay tila nais manakit. Batid niya sa sariling mayroong nagawang mali, ngunit hindi siya sigurado kung ano. Ngunit paano niya malalaman kung hindi niya ito kokomprontahin?
Naupo siya sa sofa at hinintay ang lalaki na makapagbihis. Nagulat siya nang t
