SINIMULAN nilang ayusin ang mga dapat na ayusin sa pagpunta nila sa Palawan ngayong linggo. Inihanda niya na rin ang kaniyang mga gamit na dadalhin. Iilan lamang ang damit na dinala dahil tiyak na hindi makakatakas sa kaniya ang ilang mga tindahan doon. Hilig niya talaga ang pamimili ng mga bagong damit at itatambak ang ilang pinaglumaan niya na. Sa susunod ay ipamimigay niya na iyon kapag nagkaroon siya ng oras.
Sabik na sabik si Mauve sa hindi niya malamang dahilan. Kaagad nga niyang tinawagan ang kaibigan upang ipaalam dito na mapapaaga ang kaniyang pagbisita sa Palawan at hindi nito kailangang mamroblema sa kaniyang tutuluyan. Inilagay niya sa kaniyang bagahe ang lahat ng importante niyang dadalhin at saka isinara iyon nang matapos. “Ready na,” wika niya sa kaniyang sarili.
“What’s
