WALANG nagawa si Mauve nang hawakan siya ni Eros sa kaniyang braso upang hindi niya abalahin ang mga taong nagkakabit ng bed frame sa kanilang kuwarto. Hindi siya makapaniwala sa kalokohan ng lalaki. Bumili lang naman ito ng isang kama at ipinasok sa silid kung saan siya natutulog, saan pa ba nito iyon ilalagay? Iisa lang naman ang kuwarto ng kanilang bahay at imposibleng maisingit pa sa sala kahit na ang isang single bed. “What are you doing? Nahihibang ka na ba?”
“I am not.” Pinagmasdan siya ng lalaki at pilyong ngumiti. “In fact, I’m doing you a favor.”
“Stupid!” Hinatak niya ang braso mula sa pagkakahawak nito. “At anong gusto mong sabihin? Hindi pabor sa ‘kin ang pagtulog mo sa iisang kuwarto kasama ko.”
“At anong gusto mong gawin ko? Sa buong pagsasama natin matutulog ako sa so
