ISANG ORAS mahigit lamang ang kanilang naging byahe sa eroplano nang lumapag ito sa Puerto Prinsesa. Matagal-tagal na ring pinangarap ni Mauve na makarating sa lugar na ito; kabilang ang Puerto Prinsesa, Palawan sa kaniyang bucket list kaya nga lamang ay masiyado siyang abala at inaabot ng ilang buwan o higit isang taon siyang hindi natutupad ang mga nakasulat sa kaniyang bucket list. Hindi na siya nagtaka pa nang magpatiuna si Eros sa paglalakad nang parang hindi siya kasama. “Ang sama talaga ng ugali,” bulong niya sa sarili. Siguro ay kailangan niya nang masanay sa pag-uugaling mayroon ito dahil habang buhay na silang magsasama.
Iniwan nila ang sasakyan sa Manila na dala kanina sa byahe at ipinaubaya ito sa family driver ng mga magulang ni Eros. Ito ang nagbalik ng sasakyan patungo sa
