HINDI MAPAKALI si Eros nang ibaba niya ang cellphone matapos putulin ang pakikipag-usap sa ina. Napatayo siya mula sa kaniyang kinauupuan at napahilamos ng palad sa kaniyang mukha. Hindi niya malaman ang gagawin. Wala naman kasing ibang kakailanganin sa kaniya ang ama ni Mauve maliban na lamang kung nalaman nito ang nangyari nang gabing iyon. Ngunit bakit ba siya matatakot gayong batid niyang wala siyang ginawang masama at pareho nilang ginusto ni Mauve ang nangyari? “What the fvck.” Hindi pa rin siya mapalagay, lalo na at batid niyang pinagpipilitan ng babae na ginahasa niya ito. Isang malaking kasiraan sa kaniyang pangalan sa oras na mangyari iyon.
Tumunog muli ang kaniyang cellphone. Sa pagkakataong iyon ay ang numero na ng ama ang nakita niya sa screen. Mas tumindi ang takot niya at
