HINDI NATINAG si Eros sa narinig mula kay Mauve. Buo pa rin ang kaniyang desisyon na kausapin ang ama ng babae. “I still have to talk to him. Mas matatakot pa ako sa dad ko. Hindi ko pa gustong mapatalsik sa kumpanya at mawalan ng mana, naiintindihan mo ba?” Malalim ang kaniyang naging buntong hininga. “Mas kaya ko pang harapin ang pagalit ng dad mo.” Sinimulan niyang isipin kung paano siya magsisimula sa nais sabihin sa ginoo.
Napailing si Mauve. Hindi makapaniwala sa kaniyang naging desisyon. “Hindi mo kilala ang dad ko. He’s a freak. Hayaan mong ako na lang muna ang kumausap sa kaniya ulit. Isa pa, sinadya lang talaga kita sa kumpanya ninyo para sabihin sa ‘yo ang bagay na ‘to. Alam mong hindi ko kailangan ng sustento, gusto ko lang balaan kang hindi humarap sa dad ko because he will
