ITINURO ni Mauve ang kanang bahagi ng kalsada. “D’yan ka na lang mag-park,” wika niya sa asawa habang pinag-aaralan ang lugar na kanilang kinaroroon. “Naku, hindi ko na masiyadong maalala kung saan banda. Ang tagal na rin simula nang huli akong magpunta rito, hindi ko na masiyadong kabisado.”
Ginawa ni Eros anv kaniyang sinabi. Pinarada ang sasakyan nang walang reklamo at saka inilibot ang mga mata sa paligid. “Are you sure?” tanong nito habang tinitignan ang buong paligid.
Tumango siya at bumaba ng sasakyan. “Hindi ko nga lang masiyadong maalala kung saan na ako banda pupunta. Medyo nakakapanibago.” Muling inilibot ang mga mata sa paligid. Kahit saan siya tumingin ay hindi niya maiwasang mamangha. Napakalinis ng paligid at mapuno. Preskong-presko tuloy ang hangin. Ang mga establishime
