NANG DUMATING ang mga magulang ni Sitti ay talagang nasurpresa ang mga ito sa muling pagbalik ni Mauve sa kanilang tahanan kaya naman kaagad nagpahanda ng makakain ang mga ito upang ipagdiwang ang pagbisita niya kahit na hindi naman na kailangan pa. Ganoon siya kalapit sa mga taong narito sa lugar. Si Sitti ay talagang isa sa matatawag niyang best friend. Kasamahan niya ito sa kolehiyo, isa itong valedictorian at nakapasok sa kanilang paaralan nang dahil sa katalinuhang taglay. Nakatira sa Maynila ang totoong ama ni Sitti at mayroon itong kaya sa buhay, ngunit nag-asawang muli ang mga magulang kaya naman nagpapabalik-balik ito sa Maynila at Palawan dahil hiwalay ang mga magulang. Ganoon ang gawain nito hanggang sa makahanap na lamang din ng mapapangasawa rito rin sa Palawan.
Nagkaroon ng
