DUMADAGUNGDONG sa kaba ang dibdib ni Mauve habang naglalakad sila papasok. Nakasunod lamang siya mula sa likuran ni Eros. Mayroong bisita ang kaniyang ama kaya tiyak na hindi ito gagawa ng kahit anong hindi magandang kilos. Hindi naman siguro nito babarilin kaagad si Eros sa oras na makita ng ama ang lalaki. Malalim siyang bumuntong hininga. Nagmamadali siyang nagpatiuna nang malapit na sila sa pintuan ng bahay. “Ako na ang mauuna.” Ang palad ay nasa dibdib. Damang-dama niya kung gaano kabilis ang t***k ng kaniyang puso.
“For what?” kunot noong tanong ni Eros.
“Dahil bahay namin ‘to, huwag ka nang maraming tanong.” Napairap ng mga mata si Mauve at nauna sa paglalakad. Hindi niya alam kung ano ang magiging bungad sa mga magulang lalo na at tumakas pa siya sa hospital. Kung kanina ay dob
