"Gusto kong makita ang isla na tinitirhan nila Tay Aming," deklara ni Jheann habang nakatanaw sa kabilang isla. Nakahawak siya sa railing at nililipad-lipad ng hangin ang kaniyang buhok. Medyo basa pa iyon dahil katatapos lang nilang umahon mula sa dagat ni Jared.
"Gusto mong pumunta doon?" boses nito mula sa kaniyang likuran. Lumapit pa ito sa kaniya at itinukod ang dalawang braso sa railing habang nakapagitna roon ang dalaga.
"Oo. Curious lang ako kung ano ang buhay nila doon."
"Sige, pupunta tayo ngayon. Para makilala ka rin nila," halos pabulong na turan nito sa kaniyang tainga, "ang babaeng mapapangasawa ko."
Agad na nagtayuan ang mga balahibo sa batok ni Jheann dahil sa nakakaakit na bulong ni Jared. Napailing na lang siya sa sinabi nito. Alam niyang hindi naman ito seryoso.
Na
