"BAKIT ang galing mong mangisda?" interesadong tanong ni Jheann kay Jared habang nagpapahinga. Katatapos lang nilang manglambat ng isda gamit ang yate. At marami-rami rin silang nakuha. "Saan ka natuto?"
"Kay Tito Dante," sagot nito habang naghuhugas ng kamay. Nilinis at pinatuyo kasi nito ang ilang parte ng yate na nabasa ng tubig. Pati mga kalat ay ito rin ang nagligpit. Napakasipag at napakalinis talagang tao nito. "Pag wala kaming duty ni Pareng Alex, sumasama kami sa kaniya sa pangingisda."
"Natutuwa talaga ako sa'yo. Ang dami mong alam sa buhay," humahangang sabi ng dalaga. "Magaling na pulis, marunong sa bahay, karpintero, magaling mangisda. Ano pa kaya ang kaya mong gawin?"
Nagpunas ng kamay si Jared at nakangising nilingon si Jheann. "Magpaligaya ng babae at gumawa ng bata."
N
