"HIJA, 'hi' daw sabi ni Kapitan. Wala man lang bang 'hello' diyan para sa guwapong manok namin?" untag sa kaniya ni Hepe.
Palihim na napairap si Jheann. Ito talaga! Ang tanda na pero ang hilig pang mang-match.
Hinihintay ng dalaga na sabihin ni Jared na magkakilala silang dalawa. Pero hindi niya alam kung nagka-amnesia ba ito o sadyang ayaw lang talagang ipaalam sa lahat na magkakilala sila kaya hindi pa rin siya binabati sa pangalan niya.
"Isnabera yata ang mga dalaga rito sa Binondo, Hepe," sa halip ay sabi pa nito at tumitig nang matiim sa kaniya bago dumampot ng lumpiang Shanghai at isinubo iyon.
Napalunok si Jheann habang pinagmamasdan si Jared na inuunti-unti ang pagkagat sa lumpia. Bakit ba ang guwapo at sexy pa rin nito sa paningin niya kahit niloko na siya?
Ang unfair t
