WALANG imik si Jheann habang nakaupong mag-isa sa loob ng sasakyan ni Jared. Umalis kasi ito para kuhanin ang mga gamit niya sa labas ng gate ng kanilang bahay na pinagtatapon ni Mama Salud. Ang nobyo na lang ang nag-volunteer na kumuha nang mga iyon dahil baka kung ano pa raw ang gawin sa kaniya ni Mama Salud. Bagaman at hindi rin maiwasan ni Jheann na mag-alala para sa binata. Baka kasi biglang maisipan ni Ate Melai na ipagalaw ito sa mga bodyguards nito na kanina pa nakabantay sa kanila.
Akala mo naman, sila pa ang gagawa ng masama para bantayan at pagbantaan ng tingin.
Alam ni Jheann na kayang-kaya labanan ni Jared ang mga ito. Baka nga sa isang suntok lang ni Jared ay bagsak agad, eh. Ngunit batid din niyang hindi ito manlalaban alang-alang sa kaniya. Kanina nga nang pagtulungan it
