PAGKATAPOS lang ng kulang-kulang isang oras ay nakapagluto rin ng tinola si Jheann na napagkasunduan nilang dalawa ni Jared. Katulong niya rin ito sa pagluluto, mula sa paghihiwa ng mga sangkap hanggang sa paggisa at pagtikim ng lasa. Kaya nang tikman iyon ni Jheann kanina ay sarap na sarap siya. Iba pala ang lasa kapag niluto with love.
Habang naglalagay siya ng mga pinggan sa lamesa ay mga kutsara at tinidor naman ang inilagay ni Jared. Hanggang sa ilang sandali pa ay magkaharap na sila sa maliit na lamesa at tahimik na kumakain. Sa sobrang sikip niyon ay ramdam ng dalaga ang pagbubungguan ng kanilang mga tuhod sa ilalim ng lamesa. At dahil malaking tao si Jared kaya feeling niya, sa isang dukwang lang ay magtatama na ang kanilang mga mukha.
Hindi man nagsasalita pero pinakiramdaman
