NANGILID ang mga luha ni Jheann nang makita niya ang tuluyang pag-alis ni Jared. Simula pa lang nang dumating ito ay nakita na niya mula sa maliit na awang ng bintana ng kaniyang kuwarto. Balak sana niya itong tawagin kanina. Pero tinakot siya ni Mama Salud. Ire-report daw nito sa panggugulo si Jared kapag ginawa niya iyon.
At iyon ang ayaw ni Jheann. Ayaw niyang madungisan ang malinis at magandang record ni Jared sa trabaho nang dahil lang sa kaniya..
Nang dahil sa sobrang sama ng loob kaya maghapon na hindi kumain si Jheann. Ilang beses siyang hinatiran ng pagkain ng kaniyang mga kapatid pero tinanggihan ni Jheann. Kahit ang pagkaing dala ng ina-inahan ay inayawan din niya. Wala siyang ibang gustong mangyari ngayon kundi ang makalabas doon at makasama si Jared.
Awang-awa siya sa nob
