"Yes, I do..."
Napakaganda ng panaginip ni Jheann kaya kahit may narinig siyang nagbukas ng pintuan ay hindi siya dumilat. No, ayaw niyang magising. Hindi niya gustong maputol ang kasal nila ni Bernard. Kaunting-kaunti na lang ay sasabihin na ng pari ang mahiwagang, "You may now kiss the bride." Ilang minuto na lang ay ganap na niya itong maging asawa.
"Jheann..."
May naulinigan siyang tumawag sa pangalan niya pero hindi niya iyon pinansin. Mas interesado siya sa susunod na sasabihin ng pari. At nang sabihin nga nito na puwede nang halikan ng groom ang kaniyang bride ay nauna pa siyang ngumuso. Itinaas niya ang mga braso at kumapit sa batok ni Bernard. Siya na ang humila sa leeg nito at nagmaniobra ng halik. Nilamutak niya ang bibig nito.
Napakalambot ng mga labi nito at napakabango
