"Kailan n'yo balak umalis dito sa isla?" diretsahang tanong kay Jared ni A habang sabay sila na tumutungga ng tequila.
Nilapitan siya nito kanina nang makita siyang nag-iisa. Si Jheann kasi ay kasama na naman ni Bernard. Nasa malapit lang naman ang dalawa at hindi niya alam kung ano ang pinag-usapan. Bagaman at kumpiyansa si Jared na hindi ito binobola ng kapatid niya dahil wala iyon sa bokabularyo ni Bernard. Pero hindi pa rin niya maiwasang magselos.
Jheann was beautiful as moon in the sky. At walang lalaki ang hindi makakapansin sa kagandahang iyon. Puwedeng gamitin ni Bernard ang kabaliwan ng dalaga para lang matikman ang kagandahang iyon.
Kaya nga kanina pa todo-bantay si Jared. Simula pa kaninang tanghali nang mag-swimming sila at nakita niyang nagyayakapan ang dalawa. Kahit mas
