Kinabukasan ay nagulat si Jheann nang may dumating na mga bisita sa isla ni Bernard. At hindi lang basta mga bisita... Nagagandahang bisita.
"May pa-beauty pageant ba ang boss n'yo?" tanong ni Jheann kay A habang nakatingin sa anim na babaeng mala-model ang tangkad at ganda ng katawan.
Napataas ang isang kilay ni Jheann. Sophisticated lang ang mga ito. Pero panis pa rin sa kaniya kung natural na ganda ang pag-uusapan.
Natawa si A. "Regalo sa'min ni Boss ang mga 'yan. May gagawin kasi kaming mahirap na trabaho sa mga susunod na araw."
"Wow, ha? Ang bait naman ng boss n'yo. Advance kung magbigay mg regalo."
"Gano'n talaga 'yon. Kahit masungit, galante naman."
Sa parteng iyon ay nadagdagan ang paghanga ni Jheann sa dream guy niya. Pero hindi niya lang gusto ang klase ng regalong ibin
