DALA marahil ng kalasingan kaya tanghali na nang magising si Jheann kinabukasan. Medyo masakit ang ulo niya nang bumangon siya. Malakas siyang uminom pero mabilis siyang malasing kapag nasa disco bar. Nakakahilo kasi ang umiikot at nagkikislapang mga ilaw.
Mabuti nga at malakas pala talaga ang tolerance ni Jared sa alak. Nagawa pa nitong mag-drive at ihatid siya. Napahiya tuloy si Jheann dahil siya ang napatumba nito.
Kapagkuwan ay natigilan ang dalaga nang maalala ang nangyari kagabi bago sila umuwi. Oo, lasing siya. Pero siya ang tipo na hindi basta nakakalimot.
Paano pa kaya ang mainit na paghahalikan nila ni Jared? Imposible niya iyong makalimutan.
Sa tanang buhay ni Jheann ay hindi pa siya nahalikan nang ganoon. Kahit sa paghahalikan nila ni Bernard
