"Mapapatumba kaya kita kung hahalikan kita?" ulit pa ni Jared sa sinabi nito. Lalo siya nitong niyapos at dahan-dahang inilapit ang mukha sa kaniya.
Nanlalaki ang mga matang iniwas ni Jheann ang mukha niya. Pero patuloy pa rin nitong inilalapit ang mukha sa kaniya. Sinubukan niyang baklasin ang mga braso nito na nakalingkis sa baywang niya. Ngunit kahit ang mga kamay niya ay niyakap na rin nito para wala na talaga siyang kawala.
"A-ano ba ang ginagawa mo, Kapitan?"
"Tinatanggap ang hamon mo. Kung kaya mo akong itumba sa inuman, susubukan ko namang patumbahin ka sa mga halik ko," sagot ng binata.
Wala itong kakurap-kurap habang titig na titig sa kaniya. At habang nakikipagtitigan kay Jared ay napansin ni Jheann na parang minsan na niyang nakita ang mga matang iyon. Hindi lang niya mat
