"BAKIT pa tayo mag-grocery? Eh, 'di ba uuwi na tayo sa Iloilo sa susunod na araw?" nagtatakang tanong ni Jheann kay Jared nang dalhin siya nito sa isang supermarket na halos kalapit lang ng kanilang apartment.
"Wala na kasi talagang laman ang ref. Nakakahiya sa'yo. Ayokong magutuman ka." Inakbayan siya ni Jared at dinala papunta sa lagayan ng mga cart. Kumuha ito ng isang malaki pero pinigilan ni Jheann.
"Okay na ang basket lang. Baka hindi natin maubos. Mamroblema pa tayo kung paano iuuwi sa Iloilo."
Pero nag-insist si Jared sa gusto nito. At saka nangingiting binalingan siya nito. "Sigurado ka na ba talaga na sasama ka sa'kin sa Iloilo? At sa bahay ka titira?"
Iyon ang napag-usapan nila. Kay Jared pa rin siya titira at magsasama sila katulad ngayon na parang mag-asawa kapag nasa Iloi
