Parang nanghihinang napa-upo si Jheann pagkatapos siyang alalayan ni Jared sa pag-akyat sa sasakyan nito. Nasapo niya ang puso na napakabilis ng t***k. Naririnig niya ang malakas niyong pagkabog hanggang sa umupo ang binata sa tabi niya. Hindi niya maipaliwanag kung bakit bigla niyang kinatakutan na baka magbungguan ang mga siko nila kaya umisod siya palayo.
Binalingan siya ni Jared. "Ang layo mo naman. Usog ka dito at baka mahulog ka diyan," wika nito.
"Okay na ako dito. Nakakapit naman ako, eh." Ginamit pa niya ang dalawang kamay para ipakita sa binata na todo-kapit siya.
Ngumisi ito. "Alam mo, malapit na talaga akong hindi maniwala sa tuwing sinasabi mo na hindi ka natatakot sa'kin."
"At alam mo rin, Kapitan, hindi ko rin maintindihan kung bakit palagi mo na lang sinasabing natat
