ISANG oras din yatang nagpaikot-ikot sa lugar na iyon si Jared para hanapin ang babae na ngayon lang niya natatandaang may palayaw na "Cheetah", bago niya naisip umuwi na lang. Hanggang ngayon kasi ay palaisipan pa rin sa kaniya ang sinabi sa kaniya noon ng kaniyang Hepe.
"Ibinigay ko sa iba ang kaso ni Mustules dahil masiyadong delikado. Ayokong may masayang na pinakamagaling at pinakamatapat kong pulis dahil lang sa kasong ito. Kaya ibinigay ko kay Tinyente Costales at nalutas naman na niya. Pero hanggang ngayon ay mainit pa rin sa'yo ang mga kasamahan niya. At ayokong sabihin pa sa'yo kung sino-sino sila. Tama nang dalawang buwan kang napahamak dahil sa kapatid mo. Kaya magpalamig ka muna. Ipapadala kita sa Maynila para sa bagong misyon mo."
Kahit anong pilit ni Jared kay Hepe na sabi
