HABANG nasa loob sila ng sasakyan ni Jared ay walang imik si Jheann. Marami itong sinasabi na hindi niya pinapansin. Kahit ang mga tanong nito, ni isa ay wala siyang sinagot. Hanggang ngayon ay patuloy pa rin niyang kinakastigo ang sarili.
Bakit ba napakarupok niya pagdating sa lalaking ito?
Napasinghap si Jheann nang mapatingin siya sa gawi ni Jared na tumahimik na rin at nag-focus na lang sa pagmamaneho. Pero kahit hindi na ito nagsasalita, pakiramdam niya ay kinakapos siya ng hangin habang magkasama sila sa loob ng sasakyan. She didn't like it at all. Kailangan na talaga niyang makawala rito. He's too much for her peace of mind.
Pero paano niya iyon gagawin?
"Hindi dito ang bahay n'yo," wika ni Jared pagkatapos niyang ipahinto ang kotse nito sa tapat ng tindahan ni Aling Nena. "N
