SUNSET
XYRELLE GRACE VERNAULA
ILANG minuto pa ang lumipas bago sila huminto sa isang liblib at puro punong lugar. Tuluyan nang dumilim ang paligid dahil ang natitirang liwanag mula sa papalubog na araw ay nahaharangan ng naglalakihang puno at makakapal na dahon. Binuksan niya ang bintana ng sasakyan saka inilibot ang paningin sa paligid, napakaganda niyon, naglalabasan na rin ang mga alitaptap at tila siya nasa isang magical at enchanted na lugar.
"Come on out. We might miss it," sabik na sambit ng binata na agad niyang ikinalingon dito. Nakatingin ito sa ibang direksyon at may tila tinatanaw sa malayo. Ano naman kaya ang sinasabi nitong makakaligtaan nila? He immediately get out of his car, walked to her side and opened the door for her.
"Come, baby," sambit muli nito habang nakang
