BEGINNING OF SOMETHING..
XYRELLE GRACE VERNAULA
"SAAN mo na naman ako dadalhin?" tanong ni Xyrelle kay Elixir na hawak na naman ang kamay niya at hatak hatak siya pasakay sa kotse nito. Ilang araw na siyang walang palyang sinusundo ng binata sa eskwelahan at ilang araw na rin siyang ginagabi ng uwi dahil sa mga pakulo nito. Napakarami na namang mga matang nakatingin at nakasubaybay sa kanila. Sino ba naman kasi ang hindi magiging kuryoso? Sa itsura niya at sa itsura ni Elixir napakalayo sa katotohanang sinusundo siya nito at pinadadalhan pa ng mga bulaklak every other day.
"Ano? Saan mo ba ko dadalhin?" ulit niya bago hatakin ang kamay sa pagkakahawak ng binata. Tuluyan nang lumingon ito sa direksyon niya at tumigil sa paglalakad.
"It's a surprise," simpleng sambit nito bago matamis
