Kinabukasan ay hindi maitago ang excitement sa mukha ni Santa, maging ang kaibigang si Lailani ay na-excite din ng sabihin dito na pupuntahan nila ang shop ng party planner na inupahan ng kanyang Ninong Leon upang isukat ang kanyang gown.
"O-M-G, girl, bilib na bilib na ako diyan sa ninong mo, galante, a, may party planner pang nalalaman," tili ni Lailani matapos sabihin rito na magpapasama siya mamayang uwian nila.
Nang maalala ang ninong ay bigla siyang napabusangot dahil ilang araw na itong hindi nagpapakita sa kanila. Naiisip na tawagan ito pero baka mamaya ay mauwi na naman sa hindi magandang usapan.
"Hoy, bakit bigla kang natigilan diyan?" bulalas ni Lailani saka maya-maya ay biglang nanlalaki ang mga mata na nakatitig sa kanyang likuran kaya maging siya ay na-curious kung sino an
