PABALIK NA AKO ng Maynla, wala pang alas-onse ay nakaramdam na ako ng gutom kaya tumigil ako sa isang convenience store. Sa totoo lang, maraming restaurant at food chain na akong nadaanan na puwedeng kainan, kaso bigla kong naisip si Sunshine. Kaya parang natakam ako sa instant cup noodles. Ang paborito naming spicy seafood ang binili ko na sinamahan ko na rin ng siopao at soft drinks. Naisip ko, kung kasama ko ngayon si Sunshine, malamang inagawan na ako ng pagkain no’n. At lagi kong naiisip ang bagay na ‘yon sa tuwing kumakain ako.
Nakaharap ako sa mall na nasa kabilang kalsada ng convenience store na kinakainan ko, at inaliw ko ang sarili ko sa panunood sa mga taong dumaraan sa harap ko at pumapasok sa mall, maging ang mga dumadaan na sasakyan. Kasama na ang pagbabakasakaling makita ko
