#TheOtherTwinsRevenge
CHAPTER 9
JUAN MIGUEL SEVERINO’S POINT OF VIEW...
Mag-isa ako ngayon dito sa terrace na dumudugtong sa kwarto ko. Nakaupo ako sa isang upuan habang humihigop ng mainit na kape at nakatingin sa malawak na labas. Papasikat na ang araw kaya naman unti-unti na ring nagliliwanag ang paligid.
Umagang-umaga pero malalim ang iniisip ko. Hindi ko maiwasang hindi mapangiti at mapailing. Dumadaloy kasi sa aking isipan ang mga sinabi sa akin ni Jass nung nasa park kami. Lahat ng sinabi niya ay alalang-alala ko lalo na ‘yung sinabi niyang mahal niya ako.
Hindi ko alam kung dapat ba akong maniwala doon o hindi. Una, ilang taon niya akong hindi nakita pero minahal niya ako at pangalawa, ang bilis naman yata niyang mahulog sa akin.
Hindi man ako masyadong
