LANCE POV
ANG NAALIMPUNGATANG diwa ko ay tila hinihila nang mainit na bagay na humahaplos sa pisngi ko, patungo sa tuluyan kong pagkagising.
Kaysarap ng haplos na iyon, para akong hinihele.
Nagmulat ako ng mga mata, at ang nakapikit na mukha ni Sheena ang una kong namulatan. At ang palad pala niya ang masuyong humahaplos sa pisngi ko.
Sheena… Parang lumukso ang puso ko dahil sa ginagawa niya. Natagpuan ko na lamang ang sarili ko na malamlam ang mga matang napatitig sa kaniya.
Sa tuwing magigising ako na siya ang una kong namumulatan, ramdam ko ang kakaibang pintig ng puso ko. Kakaiba dahil tatlong babae ang madalas dumalaw sa akin dito sa hospital pero sa kaniya ko lang nararamdaman iyon. At sa dalawa pang babae na nagpakilalang mga best friend ko ay kapanatagan ang nadarama ko sa
