SHEENA POV
HINDI ko alam kung paano tatanggapin na sa paggising ng asawa ko ay isang istranghera na lamang ako sa kaniya. Na walang ibang mababanaag sa mga mata niya kundi kalituhan at pagtatanong. Pagtatanong kung sino-sino ba kami sa buhay niya.
“S-Sino kayo?” muling tanong ni Lance at isa-isa kaming tinapunan ng tingin.
“Anak, Lance, kami ang pamilya mo.” Si Mama ang naglakas-loob na sumagot sa asawa ko.
Hindi ko magawang makapagsalita habang nakatingin sa kaniya. Nasasaktan ako. Ang sakit na bago pa lamang kami nagsisimula na maging masaya, pero nawala pa iyong ala-ala niya. At kasama ako sa hindi na niya maalala.
“Pamilya ko ho kayo?” maang na tanong pa ni Lance. “Bakit hindi ko ho kayo kilala?”
Naluluhang tumango si Mama at bahagyang lumapit kay Lance.
“Ako ang Mama Elena
