SHEENA POV
HINDI MATAPOS NA KALIWA'T KANAN na pagbati ang natatanggap ko mula sa mga bisita namin ni Lance. Walang katumbas na pasasalamat ang sagot ko sa kanilang lahat lalo na sa mga kaibigan ni Lance na nakiisa sa amin para sa araw na ‘to. Ganoon din sa mga kamag-anak ko na bumiyahe pa kahit malayo para lang makarating sa kasal ko.
Nalaman ko na si Papa ang nag-imbita sa kanilang lahat. Nakiisa rin ang ilan sa malalapit na kaibigan ko sa hospital. Hindi sila lahat nakapunta dahil naka-duty ang iba. Na ayos lang naman basta kasama ko ang pamilya ko at ang asawa ko, siyempre.
“Congratulations, beshy!” Masayang bati na naman ni Rachel sa akin.
Natawa ako. “Pang-ilang congratulations mo na ba ‘yan, ha?”
“Hindi ko na binilang. Basta congratulations, sobrang saya ko para sa ‘yo. Naka
