LANCE POV
DALAWANG oras pa bago ang kasal namin ni Sheena pero naka-ready na ako. Hindi ko na matandaan kung nakailang pabalik-balik na ako sa harap ng malaking salamin para tingnan ang sarili ko kung okay na ba.
Gusto kong guwapo ako para sa araw na ‘to. At habang pinagmamasdan ko ang sarili ko sa harap ng malaking salamin, hindi ko mapigilan ang maya't mayang pagngiti. Napatitig ako sa aking sariling repleksyon.
Nagniningning ang mga mata ko. Parang ngayon ko lang yata nakitang kumislap nang ganito ang mga mata ko.
I love you, Lance… Parang mapupunit ang mga labi ko habang paulit-ulit na inaalala ang unang beses na marinig ko mula sa mga labi ni Sheena ang mga salitang 'yon.
Apat na salita pero literal na niyanig ako niyon. Pakiramdam ko nawala lahat ang alcohol sa katawan ko ng
