LANCE POV
“ANONG ginagawa mo rito?”
Natigilan ako sa pagsasalin ng alak sa baso nang marinig ko ang boses ni Simon mula sa likuran ko. Narito ako sa kubo na palagi naming tinatambayan na magbabarkada sa tuwing narito kami sa kanila noon. At ngayon, dito pa rin ang favorite spot ko dahil tanaw ang bintana ng kuwarto ng asawa ko.
“Shot tayo, bayaw,” alok ko sabay abot sa kaniya ng basong sinalinan ko ng alak.
Hindi niya tinanggap iyon, nakatingin lamang siya sa akin.
“Bakit gabing-gabi gising ka pa? At nag-iinom ka pang mag-isa,” seryoso niyang puna.
Nagkibit-balikat lamang ako at tinungga ang laman ng baso na hindi niya ininom. Napangiwi ako nang gumuhit ang init niyon sa lalamunan ko.
“Enough.” Akma akong magsasalin uli nang agawin ni Simon sa akin ang baso at siya mismo ang na
