SHEENA POV
MALIWANAG na sa labas pero nakahiga pa rin ako at tamad na tamad bumangon. Paggising ko kanina, wala na sa tabi ko si Lance. Baka umalis o baka nasa labas lang, hindi ko alam.
Alam ko na hindi na healthy ang ginagawa ko sa sarili ko pero hindi ko alam kung paano ulit magsisimula. Minsan, umaasa pa rin ako na baka panaginip lang ang lahat ng ito. Na hindi totoo na wala na ang anak ko, pero kahit anong asa ko, wala. Dahil araw-araw paggising ko, sinasampal ako ng reyalidad na wala na ang anak ko at wala na akong magagawa kundi tanggapin iyon.
Na sana nga gano'n lang kadaling tanggapin. Na sana nga paggising ko kinabukasan, okay na ako. Pero ang hirap, eh. Sobrang bilis ng lahat, hindi ako handa sa ganito.
Alam ko rin na sinisisi ni Lance ang sarili niya, at gano'n din ako s
