SHEENA POV
PAGKATAPOS ng nangyari kay Lance kanina ay hinayaan ko na muna siyang makapagpahinga. Hindi ko na muna binuksan ang paksa tungkol sa kapatid niya. Mukhang doon siya nag-trigger kaya nag-panic siya. Mabuti na lang din at hindi ko sa text o sa tawag nasabi ang tungkol doon. Kung nagkataon baka hindi lang iyon ang nangyari. Pasalamat na lang din ako dahil hindi nauna ang pagkataranta ko.
Minsan ko pang pinagmasdan ang guwapong mukha ng asawa ako na ngayon ay payapa nang natutulog. Yes, nakatulog siya sa mga bisig ko pagkatapos niyang kumalma.
Hindi ko na muna siya gigisingin para mas makapagpahinga ang isip niya.
Napabuntong-hininga ako, saka lumabas muna ng kuwarto. Balak kong magluto ng pagkain para kay Lance para may kakainin siya pagkagising.
Naabutan ko sa kusina si
