SHEENA POV
SAKAY na ako ng jeep para umuwi sa bahay nang makatanggap ako ng tawag mula sa kaibigan ko.
“Nasaan ka?” Iyon agad ang bungad niya sa akin.
“Pauwi na ako, Rachel. Sabihin mo na lang kay Doc. Thesa na sa susunod na lang ako magre-report, sumama ang pakiramdam ko,” pagdadahilan ko na hindi kumagat sa kaibigan ko.
“Galit si Doc. Thesa, Sheena. Mabilis na nakarating sa kaniya ang ginawa mo sa bagong boss natin. At hinahanap ka niya.”
“Kakausapin ko na lang siya, basta hindi muna ako babalik diyan ngayon,” pinal na sabi ko at tinapos ang tawag ng kaibigan ko.
Ngunit hindi pa man natatagalan nang muli siyang tumawag.
“Rachel–”
“Bumalik ka muna ngayon. G na g si Doc. Thesa sa ‘yo at baka tanggalin ka pa niya sa trabaho. Alam ko kung gaano mo kamahal ang trabaho mo rito ka
