VICTORIA
Napagpasyahan kong magpalit na lamang ng damit kaysa sa maligo pa. Mamaya na lamang gabi ako maliligo bago matulog kaya agad-agad akong nagpalit ng damit dahil alam kong hindi niya gustong pinaghihintay siya lalo na ngayon at tila masama ang kaniyang timpla. Kung sinagot ko na lang kasi kanina ang tanong niya hindi na siguro kami umabot sa ganito pero tila ako rin kanina ay sumama ang timpla kasi ganoon ba naman ang pagsalubong niya sa akin. Sino ba naman ang 'di mapipikon sa ganoon? At bakit ba sa araw na iyon pagkatapos naming magbakasyon ay agad siyang nawala? Hindi lang basta nawala na parang oras lang na hindi nagpapaalam pero dapat bang malaman ko ang lahat? Sa mga ginawa namin doon sa dagat tila nilamon ako ng aking imahinasyon na mayroong kami.
Napanguso na lamang ako a
