VICTORIA
Hanggang sa nakauwi kami ay hindi ko siya kinibo sa buong oras ng byahe na kahit ako rin ay nagulat sa aking aksyon kahit na nangangatog na ako sa takot. Ngunit pinangatawanan ko ang pagiging isang bingi sa kaniya. Ramdam ko rin ang titig niya sa aking likod nang lumabas ako sa kaniyang sasakyan ngunit hindi pa rin ako nagpatibag at ang lahat ng iyon ay ibinuhos ko rito sa loob ng aking kwarto. Para akong nawalan ng malay sa pagkakahiga ko sa kama. Agad akong napabuntong-hininga at napapikit ng aking mga mata dahil sa paulit-ulit na tumatakbo sa aking isipan ang naging senaryo naming kanina.
Bakit ba siya tila galit na galit? Ano bang ginawa ko? Wala naman akong ginawang mali at bakit ba tinatanong niya ang pangalan ni Dmitry? Pakialam niya ba?
Natigilan ako sa pag-iisip nang
