VICTORIA
Hindi ko na napansin ang haba ng oras na inilagi ko sa loob ng silid dahil bukod sa hindi pumasok lahat ng mga professor ay puro naman activities ang ibinigay sa amin ngunit ang mas gusto ko doon ay wala akong kapartner kung hindi individual activities lahat. Lahat naman iyon ay nasagutan ko na dahil gusto kong okyupado ang isipan ko at ‘di ko siya naiisip ngunit nang matapos ako ay huli na nang sambitin ko na naman ang pangalan niya. Ano bang ginawa niya sa akin at tila hindi ako mabuhay sa isang araw na hindi man lang iniisip?
Napabuntong hininga na lamang ako at inayos ang mga gamit ko pabalik sa aking bag. Halos lahat ng tao sa silid ay abala sa kanilang mga ginagawa at siguro malayo nga sa ekspektasyon ko na porke elite school ay marami ng mga bullies kundi kabaliktaran na
