"Nandito na lahat ng gamit mo, anak. Mag-iingat kayo doon," nakangiti na sabi ni Mama sabay abot sa akin ng traveling bag. Nakasimangot ko iyong tinanggap saka mabibigat ang mga hakbang na nagtungo sa sala kung saan nakaupo ang tatlong itlog kong pinsan.
Mabilis lumipas ang mga araw. Ang pinaghahandaan lang nilang kasal ni Denver at Selene ay mangyayari na two days from now pagkatapos ng halos isang buong sem na pagpa-plano. Hindi kami natuloy sa dapat sanang weekend na pagpunta sa hacienda nila dahil sa dami ng gagawin sa school, kaya sila Tita na lamang ang nagpunta at nag-plano ng lahat.
Katatapos lamang ng final exam namin kahapon at gustuhin ko mang huwag sumama ay hindi puwede. Kaya kahit na ayaw ko ay wala akong puwedeng gawin. Hanggang ngayon ay hindi pa rin kasi binabalik
