"WOW! Ang dami!"
Nanlalaki ang mga mata ko habang nakatingin sa mga pagkain na nakalatag sa sahig. Kakalabas ko pa lamang ng bathroom at may towel pa sa buhok ko ng mabungaran si Bae na nakaupo sa kama ko. Nakabihis na rin siya at mukhang bagong shower. I wonder kung gaano katagal akong nagbabad.
"Half an hour ago na noong i-akyat ko 'yang mga 'yan kaya malamig na. Naligo na ako't lahat hindi ka pa rin natatapos. Mga babae talaga," mahabang lintanya niya saka naupo sa sahig. Agad akong lumapit at naupo sa harapan niya habang pinagmamasdan ang mga pagkain. May pepperoni pizza, carbonara, calderetang baka, lechon paksiw, one bowl of rice, baked mac and cheese, fried chicken, fruit salad, at sinigang na bangus. May mga canned beers din at dalawang two liters of softdrinks! Heaven!
