NAPAPIKIT NA LANG si Celeste habang iniisip kung ano ang dapat na gawin. Hindi niya alam kung ano ang isasagot niya sa kaniyang mga kaibigan. Natatakot siya sa sasabihin ng mga ito. Alam niya na may masasabi ang mga ito sa kaniya.
Napabuntonghininga na siya. Wala na siyang mukhang maihaharap sa mga ito. Nagsimula ng may tumawag sa cell phone niya kaya agad na niyang pinatay iyon. Ayaw niya muna pag-usapan ang tungkol sa kanila ng kaniyang tiyuhin.
“Hey! Sino iyon? Bakit hindi mo sinagot?” tanong ni Cayne. May pagtataka ang boses nito.
“Matutulog na ako,” walang gana na sagot niya rito. Nilingon niya ang kapatid. “Kung maghahanap sila sa akin. Pakisabi na lang na matutulog na ako. I need to rest para tuluyan ng gumaling ang paa ko.”
“Mukhang kinakabahan ka? Anong nangyari sa iyo?” nag-a
