NAPATITIG SI CELESTE sa isang mannequin na mayroong suot na puting polo shirt, trouser na ang kulay ay beige, at isang puting lifestyle shoes. Sa tingin niya ay bagay ito sa tiyuhin niya kaya ito na lang ang bibilhin niyang pangregalo sa nalalapit na kaarawan nito. Nakikita na niya na darating ang araw na suot nito ang mga regalo niya habang malaya na silang ipakita sa lahat ng mga tao na nagmamahalan sila. Pero hindi niya magagawa iyon dahil hindi pa siya nito pinapansin.
Nagtawag na siya ng sales lady. Pagdating nito ay agad na siyang nagpakuha rito ng lahat ng kaparehong gamit na suot ng mannequin. Dahil alam niya ang size ng tiyuhin niya, sinabi niya lahat ng mga iyon dito. Kaya ang ginawa na lang niya ay ang maghintay sa counter hanggang sa makuha ng sales lady ang inutos niya rito.
