“W-WHAT? TOTOO BA ang sinabi mo?” tanong ni Hiro. Napangiti ito at mukhang masaya pa sa narinig na balita mula sa bibig niya.
Napatango siya habang hindi mapigilan na mangilid ang luha sa mga mata niya. “Yes, Uncle. Bakit masaya ka pa? Malalagot ako kina Mommy at Daddy.”
“Itago muna natin hanggang sa makapagtapos ka. Malapit na rin iyon. Hindi pa naman siguro lalaki iyan nang sobra. Sa tingin mo, mga ilang linggo na?” Napatitig sa mukha niya.
“H-Hindi ko pa alam.” Napabuntonghininga siya sabay tingin sa labas ng bintana. “Uncle, natatakot na ako.”
Hinawakan nito ang kamay niya at pinisil iyon nang marahan. “Shhh. Para saan pa ang takot mo kung nandito naman ako na handang panagutan ka. Celeste, I love you. Kayong dalawa ng anak natin.”
Tuluyan ng tumulo ang luha sa mga mata niya. “M-
