REIGHN SELESTINE
Tumigil ako sa paglalakad kaya lumingon sa akin si Kuya Vin. Nagtataka ang gwapo niyang mukha habang nakatingin sa akin. Sa totoo lang ay naiinis na nga ako sa sarili ko dahil lagi ko siyang pinupuri. Hindi ko alam kung masyado lang ba akong honest. Pero ang gwapo naman talaga kasi niya. Bumagay talaga sa kanya ang new hair style niya.
Noon pa naman ay gwapo na siya mas naging gwapo lang ngayon. Kung saan mas tumanda siya ay doon rin naman lumaki ang pagbabago sa kanya.
“May problema ba?” tanong niya sa akin habang nakakunot pa rin ang noo niya.
“Hawak mo kasi ang kamay ko, kuya.” sagot ko sa kanya
“Bakit may problema ba kung hawak ko ang kamay mo? Sino ba ang gusto mong humawak dito, si Lance? Kapag ako ba bawal?” tanong niya sa akin at binanggit na naman niya si Lan
