Sorry
CHIARA ELENA
“Hay kapagod, inaantok na ako, Cha,” ani Clarissa na nakakailang hikab na habang patuloy sa paghuhugas.
Parehas kaming naka-assign sa kitchen ngayon at siguro’y dahil pasukan na, kahit madaling-araw na ay puno pa rin ang pinagtatrabahuhan namin. Mas nakakapagod kumpara noong wala pang pasok.
Humikab ako at ipinilig ang ulo para mawala ang antok ko. Naga-adjust pa ang katawan ko kaya inasahan kong aantukin talaga ako ngayon.
“Chiara, Clarissa, fifteen minutes break muna kayo. Marco, Lyndon, kayo na muna dito sa station nila. Baka makatulog na ‘tong dalawa dito,” pagbibiro ni Manager sa amin.
“Kape muna tayo, Cha. May vendo doon sa tabi. Buti na lang pinagbigyan tayo ng break ni Sir, sabi sa ‘yo type ka din no’n.”
“Ikaw talaga, lahat na lang binibigyan mo ng kahul
